第1个回答 2022-11-13
出殡当日整个过程﹕ 坐夜和出殡两日多数会o系唔同嘅灵堂进行。出殡当日﹐家属先到坐夜当晚的灵堂 *** ﹐上服后由殡仪馆职员将遗体移送举行大殓仪式嘅灵堂﹐家属亦跟随往大殓的灵堂。 殡仪馆职员将遗体停放停尸间﹐家属抵达灵堂后可take the time打点一下灵堂布置﹑折金银﹑化宝。金银尽量o系坐夜当晚烧多d﹐唔建议留太多于出殡日折/化﹔因为距离大殓仪式唔长(大约只有半小时左右)﹐折得多未必化得晒﹐留2叠慢慢折就够。 殡仪馆职员安排好棺木后﹐家属将准备好嘅陪葬品﹑先人生前嘅衣物﹑饰物等交予职员。记得要预留两条新金银“摄”棺材﹐亦于此时交给职员。 先人升棺后﹐灵柩停放o系灵堂正中﹐大殓仪式随时开始。由法师带领仪式及瞻仰遗容﹐然后盖棺﹐注意法师讲边几个生肖盖棺时要回避﹐避免相冲。 盖棺完成﹐你男朋友如果系长子的话﹐要负责引领伯母去火葬场﹐所以佢会坐灵车上山。其他亲友由殡仪馆安排的旅游巴送上山。 抵达火葬场后﹐法师领众人再做多一次仪式﹐最后由家属(一般系长子)按掣将灵柩送入火化。如果系即日脱服嘅话﹐灵柩送入火化后由法师主持脱服。步出灵堂时记得唔好望返转头﹐于通道旁嘅水盘湿湿手(湿完唔好fing﹐咁系唔礼貌)﹐领红利是﹐上灵车离开火葬场往英雄﹐不出席的亲友可于抵达后自行离去。 你可以点帮手? 出殡当日亲友好少帮手折金银﹐因为预留嘅金银唔多﹑时间又少﹐多数系家属自己o系焚化炉边折边烧。如果你男朋友d亲戚围埋一齐折金银﹐你先帮手罗... 都系o个句啦﹐折得多烧唔晒都系嘥 出殡当日可以帮手嘅野真系唔多﹐如果你男朋友屋企人唔介意﹐你可以帮手睇住d袋o个d... 你要准备既野﹕ 穿素色衫。花圈唔一定要送﹐要送都系坐夜o个晚送﹐出殡o个日个花圈摆一个钟头左右就拎去掉﹐送黎冇乜意思 你可以既送花圈又做帛金﹐亦可以只做其中一样 个人认为﹐二拣一的话﹐做帛金好过送花圈。靓靓哋嘅花圈上千蚊一个﹐只系摆两日一夜冇乜实际作用﹐倒不如将d钱做帛金﹐实实际际为伯母嘅丧礼出点“力”。帛金做501已经唔少﹐亦都适合你嘅身份。 佢屋企人唔知你中文名唔紧要﹐记住你系尽点心唔系拎credit。只要伯母知系你就得喇(你写中文名佢有灵通都会知系你)﹐其他人知唔知系你送唔系问题﹐要保持依个心罗! 如果坐夜当晚不能出席﹐你大约下午2-3点打电话去花档﹐留低中文姓名﹐讲明你系个仔嘅朋友﹐请佢为伯母做个花圈﹐职员识得帮你写架喇! 不过你要事先问明边间可以o系电话用credit card过数﹐唔系间间都得。 你用个白信封装住帛金﹐o系正中间写“奠仪 XXXX伯母千古”﹐左下角﹕“XXX敬挽”﹐如下﹕ 奠 仪 黄 李 小 玲 伯 母 千 古 陈 大 文 敬 挽 到灵堂致祭时﹐你会o系receipt留名及呈上帛金﹐所以即使写中文名你男朋友屋企人亦会知你系边个。